lundi 9 avril 2012

Erà mouléte de Pasques (istoère e recète)

Erà mouléte de Pasques (istoère)

Despùch maynàt, qu'èy toustém minjàt era mouléte de Pasques (dap pus), oun qu’estoùssi en France ou pet Moùndẹ.
Que-m broùmbi qu'à case qu'ère may-boune qui la-ns hasè  ... soùnquẹ tats òmis; eràs hémnes n'y abèn pas drét.
Que la minjaben après misse, erà de 7 ores det matî, misse hèyte soùnquẹ entàts òmis e oun eràs hémnes n'èren pas plâ-biengudes, permoù qu'ère erà soule misse der'anade oun anaben ets òmis y ne y boulèn pas està bists ! Toutû quàuquẹs hémnes que y bienèn, més et curè que las hasè sourtì derà glèyse !
Y que-m diseràt perqué ha ûe misse tan de d'ore tats òmis ?
Ad aquét téms, que calè coumunià chéns abé minjàt abàns. Qu'éy permoù d’aquerò qu'autalèu lhebàts, ets òmis qu'anaben ta misse e atalèu tournàts que calè que minjèssẹn. Eràs hémnes, éres, que poudèn aténdẹ !!!

Ah, téms uroùs ! (que m'arrìdi...)

Jan-Louìs d’Aulouroû

__________________


Erà mouléte de Pasques (recète)

(Recète dade per û gouyatòt d’Àncẹ, enà balée de Baretoûs aoun s’y parle toustém biarnés)

Ta ha erà mouléte de Pasques, que-ns cau :

• dues tranches de hampéte,
• dues roundèles de saussissoû,
• cinc oéus,
• drin de sau e drin de pébẹ.

Que bam coupà eràs dues tranches de hampéte à petìts carràts. Que las bam hicà à còsẹ à petìt hoéc enà padère. Quoan seràn plâ roustides, que y hiquerèy eràs dues roundèles de saussissoû. Que bam bàtẹ cinc oéus. Que-us bam assesounà. Que-us bau hicà dap ét rèstẹ : erà mouléte de Pasques que-d-é prèste.

Aucun commentaire:

Enregistrer un commentaire